СЗД Oxford Global Languages

Мақсади Oxford Global Languages (OGL) чист?

Мақсади асосии барнома - ҷойгир кардани муҳтаво барои 100 забон дар Интернет ва барои корбарон ва таҳиягарони тамоми ҷаҳон дастрас кардани он аст. Барои ин ба даста офаридани контенти забонӣ ва фарҳангӣ лозим аст, ки онро нигоҳ доштан, истинод додан ва ба он тавассути якчанд роҳ дастрасӣ пайдо кардан имконпазир гардад. Ташаббуси OGL  таҳияи василаҳои нави рақамӣ ва захираҳоро барои дастгирии забонҳои ба таври рақамӣ кам муаррифишуда ва инчунин забонҳои асосии ҷаҳонӣ имконпазир мегардонад. Ин ба забонҳои мазкур ҳузури зинда, рушдёбанда дар фазои рақамӣ медиҳад ва барои ҳуҷҷатикунонии онҳо, аз он ҷумла вариант ва лаҳҷаҳои онҳо ёрӣ медиҳад.


Забонҳо барои оғоз чӣ гуна интихоб карда мешаванд?

OGL мақсад дорад, ки дар маҷмуъ на камтар аз 100 забонҳоро фаро гирад ва мо медонем, ки ноил шудан ба ин мақсад якчанд солро талаб менамояд. Барои намоиши принсипҳои OGL ва озмоиш кардани тахминҳои худ дар рафти корамон, мо корро аз даҳ забони хеле гуногун аз минтақаҳои гуногун, ки ҳар яке дорои ҳузури рақамии гуногун мебошанд, оғоз намудем. Дар равиши рушди барнома мо доираи васеи забонҳо ҷаҳонӣ ва ба таври рақамӣ кам муаррифишударо фаро хоҳем гирифт.


Кадом забонҳо ба барнома ворид карда шудаанд? Ва ман чӣ тавр фаҳмида метавонам, ки кадом забонҳо илова хоҳанд шуд?

Шумо метавонед забонҳоеро, ки мо оғоз намудем ва забонҳоеро, ки ба барнома илова карда шуда истодаанд, дар ин ҷо пайгирӣ намоед. Бо таври дигар, шумо метавонед ба навгониномаи Забонҳои глобалии Оксфорди (Oxford Global Languages) бо тамос гирифтан дар ин ҷо обуна шавед.


Оё шумо бо ташкилотҳои маҳаллӣ ва мақомоти давлатӣ дар доираи барнома кор мебаред?

Ҳа, вале мо бо ягон ниҳоди мавҷуда марбут ё қисмати он нестем. Ташаббуси OGL ташаббуси нав ва комилан мустақили аз ҷониби Oxford University Press (OUP) ҳамчун ҷузъи миссияи Донишгоҳи Oxford барои паҳнкунии дониш ва стипендияҳо дар саросари ҷаҳон мебошад. Вале, мо омодаем бо ташкилотҳои дилхоҳ, ки бо OGL ҳадафҳо ва манфиатҳои муштарак доранд,якҷоя кор кунем ва дар рафти амалисозии барнома кӯшиш менамоем бо мақомоти давлатӣ, олимон, донишгоҳҳо, ташкилотҳои хайрия ва ширкатҳо алоқа барқарор намоем.  Мо аллакай баъзе муносибатҳои хубро бо ҳамкорон, олимон ва коршиносони забон дар тамоми ҷаҳон барпо кардаем. Агар шумо ба иштирок дар барнома шавқманда бошед, лутфан, дар ин ҷо тамос бигиред.


Барои ҳар як сомонаи забонӣ муҳтаво аз куҷо гирфита мешавад?

Муҳтавои мо ба забон, истифода ва корбарони воқеӣ асос ёфтааст. Барои баъзе забонҳо дар OGL  фарҳангҳои муосир аслан вуҷуд надоранд. Ҳамин тариқ, дар баъзе ҳолатҳо мо аз фарҳанги мавҷуда ҳамчун нуқтаи оғоз истифода мебарем, дар ҳолатҳои дигар бо чаҳорчӯбаи фаҳмиши он бо ҳамроҳии маводи хоми истифодаи забон – корпус – ки мо аз он ба таври худкор ҳамаи намудҳои иттилооти забониро берун меорем.  Ин ба лексикографҳои мо барои офаридани муҳтавои нав асосе медиҳад. Инчунин, мо шумо, корбаронро ба иштирок даъват менамоем, масалан, ба ҳиссагузорӣ ба тарҷумаҳо ва иттилооти дигари ба забони шумо алоқаманд.  Муҳтавои аз ҷониби корбар офаридашуда баъдан кори таҳририро барои иттилооти барои ҳар як забон мавҷуда васеъ мекунад.


Оё муҳтвои аз ҷониби корбарон офаридашуда забони ‘анъанавӣ’-ро вайрон мекунад?

Масъалаҳои забон одамонро ба гуфтор водор месозад, зеро одамон оиди забони модарии худ ғамхорӣ мекунанд. Баъзе одамон фикр мекунанд, ки танҳо 'коршиносон' оид ба забон маълумот доранд ва истифодаи нутқи дағал ё гуфтугӯӣ нодуруст аст ва бояд дар луғат ҷой надошта бошад. Мо боварӣ дорем, ки ҳамаи шаклҳои забон, расмӣ ва ғайрирасмӣ, муҳим мебошанд ва гӯяндагони аслӣ бояд дар бораи забони худ маъоумоти зиёд дошта бошанд. Мақсади мо дар барномаи OGL ҷамъоварӣ намудани миқдори ҳарчӣ бештари иттилоот дар бора истифодаи забон - аз ҷониби ҳамаи истифодабарандагон он - мебошад, то ки кори мо барои ҳамагон муфид бошад.



Баъзе забонҳо нисбат ба забонҳои дигар бештар паҳн шудаанд. Чаро ин тавр аст?

Яке аз принсипҳои барнома аз миқёси хурд оғоз намуда, тавсеа додан аст. Аз ин рӯ, ҳатто бо доштани миқдори ками муҳтаво бо як забон, мо метавонем онро ба барнома ворид кунем, то ки истифодабарандагон он муҳтаворо истифода бурда тавонанд ва ба мо нуқтаи назар диҳанд. Бо рушд кардани барнома мҳтаво низ меафзояд.


Ман чӣ тавр луғати худ ё забони худро ба барномаи OGL илова карда метавонам?

Албатта, мо ҳама чизро илова карда наметавонем, вале забонҳое вуҷуд доранд, ки муҳтавои онҳо аллакай мавҷуд аст. Агар шумо, донишгоҳ ё ташкилоти шумо чизе дошта бошед, ки ба назаратон барои барнома мароқовар аст ё дар бораи самти кори OGL пешниҳоде дошта бошед, лутфан, бо мо дар тамос шавед.


Нақши OUP дар рушди забонҳо дар саросари тамоми ҷаҳон аз чӣ иборат аст?

OUP як шуъбаи University of Oxford мебошад ва мувофиқан, миссияи University-ро оид ба паҳн намудани дониш ва омӯзиш дар тамоми ҷаҳон ҷонибдорӣ мекунад. Он ташкилоти ҷаҳонии нашрӣ бо захираҳо, иқтидор ва дониши беҳамто ва таърихи дури пешниҳоди маводҳои баландсифати таълимӣ мебошад, ки дар тамоми ҷаҳон истифода мегардад. Мо бо коршиносони маҳаллии забон, ки ҷуъи ҷамъияти забонии худ мебошанд, дар самти таҳияи муҳтавои хоси забони онҳо кор мекунем. Қисми миссияи мо ин аст: муҳайё намудани захираҳои мо барои фоидаи оммаи васеъ.


Иштироки ҷомеаҳои маҳаллии забон то чӣ дараҷа аст?

Иштироки ҷомеа муҳим аст. Мо мехоҳем, ки ҷомеаҳои маҳаллӣ дар барнома ширкат варзанд, чӣ тавассути пешниҳоди муҳтаво, чӣ тавассути дастрас намудани захираҳои мо. Бо рушди барнома ташаббусҳои наве ба миён меоянд, ки ба ҷомеаҳо имкони сохтан ва офаридани муҳтаво бо забони худро фароҳам меоранд.


Афзалияти OGL аз чӣ иборат аст?

Бисёр барномаҳо сомонаҳои ройгони забониро пешниҳод мекунад ё ба ҷамъоварии захираҳои забонӣ равона карда шудаанд, вале барномаҳои дорои захираҳои лексикӣ барои чунин шумораи зиёди забонҳо бо принсипҳои пурқуввати лексикографӣ дар асоси OGL камшумор мебошанд. Муҳтаво аз истифодаи воқеӣ сарчашма мегирад, нав нигоҳ дошта мешавад ва барои истифодаи дурудароз пешбинӣ шуда, забонро зинда ва мубрам нигоҳ медорад. Сабаб миссияи мо аст – мо ояндаи забонҳо ҷаҳонро барои дурнамои дарозмуддат меофарем, на барои манфиати фаврӣ.


Оё муҳтавои OGL ройгон аст?

Ҳамаи сомонаҳои OGL барои истифода ройгонанд.  Шумо калимаҳо, тарҷумаҳо ва дигар иттилооти забониро ҷустуҷӯ карда метавонед. Сомонаҳо ҳамеша бо забони аслӣ ва баъзан, барои осон намудани истифода, бо забони англисӣ пешниҳод карда мешаванд.
Дар баробари ҷогир намудани OGL дар сомонаҳо, мо онҳоро ба барномаи Oxford Dictionaries API низ илова менамоем. Агар шумо таҳиягаре бошед, ки ба истифодаи маълумотҳои забонӣ дар барномаи худ рағбат бошед, шумо метавонед ба таври ройгон аз муҳтавои OGL барои истифодаи хусусӣ ва маҳдуд истифода кунед ва барои истифодаи васеътари API-ҳо ба нақшаҳои моҳонаи мо обуна шавед. Барои ҷузъиёти бештар, лутфан, ба саҳифаи API ташриф оред ё бо мо дар ин ҷо тамос гиред.


Маълумот оид ба лоиҳаи OGL-ро дар куҷо пайдо карда метавонам?

Мо аз муроҷиати шумо шод мешавем, бинбар ин бо мо дар тамос шавед, агар:

  • дар бораи барнома мълумоти бештар гирифтан хоҳед.
  • чунин шуморед, ки шумо ё ташкилоти шумо мехоҳед ба Oxford Dictionaries барои расидан ба мақсадҳои OGL’кумак расонед.
  • хоҳед, ки тавассути обунашавӣ ба мактуби навидҳои OGL бо мо дар тамос бошед.

Дар ин ҷо дар тамос шавед.