Дар бораи барнома

Барномаи Oxford Global Languages чист?


Oxford Global Languages (OGL) ташаббуси азими OUP (Oxford University Press) оид ба сохтани махзанҳои лексиографӣ барои 100 забони ҷаҳонӣ ва дар реҷаи онлайн дастрас намудани онҳост. Бори аввал, миқдори зиёди иттилооти босифати лексикӣ барои доираи васеи забонҳо ба таври муназзам дар як репозиторияи ягонаи истинодшаванда барои гӯяндагон, омӯзандагон ва таҳиягарон офарида, ҷамъоварӣ ва дастрас карда мешаванд. Мақсади барнома табдил додани таҷрибаи миллионҳо одамони ҷаҳон тавассути дастрас намудани муҳтаво бо забони онҳо дар шакли рақамӣ, дар веб-сомонаҳо, замимаҳо, дастгоҳҳо ва хидматҳои дигар аст.

Ташаббуси OGL:

  • Муҳтавои мансуб ба забонҳои зинда, аз он ҷумла вариантҳо ва лаҳҷаҳои онҳоро тавассути сабт намудани тарзи истифодаи муосири онҳо меофарад.
  • Дастрасии глобалӣ ба захираҳои забониро тавассути офаридани махзани азими додаҳо, ки дастрасшаванда, истинодӣ ва аз нав истифодашаванда мебошад, афзоиш медиҳад.
  • Таҳияи воситаҳои нави рақамӣ ва захираҳо барои эҳё ва дастгирӣ намудани забонҳои ҷаҳониро имконпазир месозад.
  • Сатҳи огоҳӣ ва эҳсоси ҷамъиятӣ нисбати забонро дар саросари ҷаҳон баланд мебардорад.


КАДОМ ЗАБОНҲО ДОХИЛ КАРДА ХОҲАНД ШУД?

OGL мақсад дорад, ки дар маҷмуъ на камтар аз 100 забонҳоро фаро гирад ва мо медонем, ки ноил шудан ба ин мақсад якчанд солро талаб менамояд. Барои намоиши принсипҳои OGL ва озмоиш кардани тахминҳои худ дар рафти корамон, мо корро аз даҳ забони хеле гуногун аз минтақаҳои гуногун, ки ҳар яке дорои ҳузури рақамии гуногун мебошанд, оғоз намудем. Дар оянда мо илова намудани шумораи зиёди забонҳо, аз ҷумла забонҳои ҷаҳонӣ ва ба таври рақамӣ кам муаррифишударо давом хоҳем дод.
Oxford Global Languages ду сомонаи забонии аввалини худ - isiZulu ва Northern Sotho-ро - дар соли 2015 оғоз намуда, дар соли якум боз 10 забонро илова намуд ва дар солҳои баъдина забонҳи сершумори дигар илова хоҳанд гашт.

Зиёдтар донистан мехоҳед?
Иштироки ҷамъият
Мо бо мақсади офаридани луғатҳои зинда бо ҷомеаҳои забонии маҳаллӣ аз наздик кор карда истодаем. Мақсади мо он аст, ки корбарон худро ҷузъи дастгирӣ ва таҳияи махзанҳо барои забонҳояшон эҳсос намоянд.


Инноватсия
OGL оинҳои инноватсияҳои рақамии OUP-ро бо фарогирии васеъ ва миқёси барномаи луғатҳои глобалӣ ҳамҷоя менамояд.


Миссия
Миссияи OUP ҳамчун шуъбаи University of Oxford паҳн намудани дониш ва омӯзиш тавассути бартарияти нашрияҳояш мебошад.


Эзоҳ: Заминаи маълумоти лексикии сомонаи мазкур сарваввл аз ҷониби профессор Абдусалом Мамадназаров дар соли 2011 ҳамчун Фарҳанги муқаррарии англисӣ-тоҷикӣ интишор гардидааст/Фарҳанги англисӣ-тоҷикӣ ва ба ҳуҷҷати мазкур бо розигии профессор Абдусалом Мамадназров илова карда шудааст. © Профессор Абдусалом Мамадназаров.

Note: The foundation for the lexical data in this website was originally published by Professor Abdusalom Mamadnazarov in 2011 as Standard English-Tajik Dictionary/Фарњанги англисї-тољикї and is included here by agreement with Professor Abdusalom Mamadnazarov. © Professor Abdusalom Mamadnazarov.


Бубинед, ки кадом забонҳо аллакай оғоз карда шудаанд ва забони худро пайгирӣ намоед.